YPJ Public Office
GIRÊ SPÎ – Bi sedan kesî cenazeyên 2 şervanên QSD’ê yên di hemleya rizgarkirina Reqayê de şehîd bûne, spartin axê.
Hevserokên Rêveberiya Xweseriya Demokratîk a Girê Spî Zelîxe Ebdê û Hemdan El-Ebid, Endamê Rêveber ê TEV-DEM’ê Selahedîn Firat, Endamê Rêveber ê PYD Xalid Kute jî di nav de bi sedan şêniyên katnona Girê Spî cenazeyên şervanê QSD’ê Kemal Nûh (metîn Ronahî) û Enter El-Îs (Enter) ên di hemleya rizgarkirina Reqayê de şehîd bûn wergirtin û bi karwanekî tirmpêlan ber bi goristana Şehîdan a Mehmeûd El-Time ya li gundê Tenhûza derketin rê.
Beşdarên merasîmê alên QSD, YPG, TEV-Dem û Yekîtiya Ciwanên Ereb vekiribûn, he wiha bê navber diruşmeyên dilsoziya bi şehîdan re beriz dikirin. Li riya ketina goristanê girseya gel ji tirmpêlan daketin û cenazeyên herdû şehîdan li ser milan kirin û heta goristanê meşiyan.
Li goristanê merasîm hate lidarxistin. Merasîm bi rêzgirtina leşkerî ku ji aliyê hêzên Erka Xweparstinê hate lidarxistin destpê kir û paşê Endamê Saziya Malbatê Şehîdan Wehîd Ebulah axivî û got ku di serî de ew sersaxiyê ji hemû malbatên şehîdan û gelê herêmê re dixwaze û wiha dom kir: “Şehîdan bi tekoşîna xwe rojên xwe ji herêmên re anîn, ji ber vê yekê çek rakirin û parstina xwe me kirin.”
Di merasîmê de li ser navê TEV-DEM’ê Kedîm Îbrehîm axivî û wiha got: “Hêzên me yên leşkerî li dijî çeteyan şer dikin û parstina gelê me dikin. Em bi tekoşîna şehîdên xwe serbilind in.”
Piştî axaftin bi dawî bûn beşdaran bi diruşmeyan cenazeyên herdû şehîdan spartin axê.
