Di 13 rojan de artêşa Tirk 104 welatiyên Efrînê qetil kirin

EFRÎN – Rêveberiya nexweşxaneyên Efrînê  diyar kir  di 13 rojên êrîşên dagirkeriya Tirkiyê li ser Efrînê de , 104 welatiyên sivîl şehîd bûn û 156 sivîlên din jî birîndar bûn.

Rêverberiya nexweşxaneyên Efrînê bi civîneke çapemenî  hejmara şehîd û birîndarên sivîl ên Efrînê eşkere kir.

Di civîna çapemenî de, ji rêvberên nexweşxaneyên Efrînê Ciwan Mihemed axivî û diyar kir ku ji ber êrîşên hewayî û çekên giran li ser herêma Efrînê, hemû bijîşk û kadroyên tenduristî ji roja yekê ya êrîşê ta niha li ser karê xwe ne.

Ciwan destnîşan kir ku ji dîroka 20`ê çile û heta niha 104 welatiynê sivîl şehîd bûne û 156 sivîlên din jî ku jin, zarok û kesên temen mezin di nav de hene, birîndar bûn û rewşa gelek ji wan jî xeter e.

#Beşê_Ragihandinê
#Nivîsgeha_Têkîliyên_Giştî_Ya_YPJ

 

Check Also

Li Amûdê 4 Şervanên Erka Xweparastinê Şehîd Bûn

Ji çapemenî û raya giştî re Êrişên dewleta Tirk a dagirker li hember Bakur û …