YPJ Public Office
EFRÎN – Dewleta Tirk a dagirker û çeteyên wê li Efrînê qirkirina Kurdan didomînin. Heta niha gelek komkujî hatin kirin û bi sedan sivîl hatine qetilkirin.
Li gorî agahiyan, duh beşek ji gelê Efrînê yên ku dixwestin vegerin Cindirêsê bi balafirên şer ên artêşa Tirk a dagirker ve hatin hedefgirtin. Di vê konvoyê de, derdorê 300 kes hebûn, tekez e ku li vir komkujiyek mezin çebûye lê hejmarek zelal nîne, lê hejmar derdora bi sedan kesa ne.
Her wiha beşek ji gelê Efrînê ku dixwestin careke din vegerin bajar, di ketina bajar de bûne hedefa topbaranê û gelek sivîl hatin qetilkirin. Li vir jî hejmarek zelal nîne.
Di heman demê de, agahiyên ku ji Efrînê hatine, du welatparêz di nav bajar de ji alî çeteyan dewleta Tirk ve hatine serjêkirin.
