YPJ Public Office
EFRÎN – Artêşa Tirk a dagirker û çeteyên wê revandina sivîlên Efrînê ber bi cihên nediyar ve didomîne.
Çavkaniyekê ji hundirê Efrînê ragihand ku artêşa Tirk a dagirker û çeteyên wê welatiyê bi navê Ednan Ebdulhenan (27) ê ji gundê Mezin ê bajarê Efrînê bi hinceta ku têkîliya wî bi Rêveberiya Xweser re heye, revandin.
Çavkaniyê diyar kir ku çeteyan beriya 4 rojan mala Ednan dorpêç kirin, piştre wî revandin û birin cihekî nediyar.
Duh jî çavkaniyekê ji herêmê destnîşan kir ku çeteyên dewleta Tirk li welatiyekî Efrînî dan, pere û erebeya wî jê xwestin. Çavkaniyê ragihand ku welatiyê Efrînî du milyon L.S daye çeteyan.
Artêşa Tirk a dagirker û çeteyên wê bi hincetên cûda welatiyên Efrînê direvînin, her wiha kiryarên dizî û talankirina malên gel didomînin.
