YPJ Public Office
Berxwedana herêma serdemê ya herêma Efrînê ku di roja xwe ya heftemîn de berdewam dike. Li gorî navenda çapemeniyê ya QSD’ê, herî dawî li navçeya şera çeteyên girêdayî artêşa dagirker a Tirkiyeyê hewl dan di bin sîwana balefir û tankan de derbasî girê Qestel Cindo bibin û di heman demê de ji aliyê çiyayê Baflûnê ve jî êrîş kirin. Şervanên QSD’ê bersivên tund dane êrîşan û di encamê de gelek çete hatin kuştin û yên din jî paşve vekişiyan.
Çeteyan ji aliyekî din ve li aliyê gundê Meranazê êrîş kirin û li vir jî rastî bersiva şervanên QSD’ê hatin û êrîşa wan hat şikandin. Piştî ku çete neçar man paşve vekişin bi dijwarî derdora gund bi tank û topavêjan topbaran kirin.
Li devera Cindirêsê jî piştî ku hewldana pêşvehatina êrîşa çeteyan hate şikandin, navenda Cindirêsê û gelek gundên nêzî sînor rastî topbaraneke dijwar hatin. Topbarana çeteyan ji şevê din heta vê sibê berdewam dikir.
Li navçeya Şêrewa li nêzî gundê Birc Silêman çeteyên artêşa dagirker a Tirkiyeyê hewldan derbasî gund bibin lê dîsa jî rastî bersiva şervanên QSD’ê hatin û di encamê de neçar man paşve vekişin. Balefirên artêşê jî gundê Basûfanê û gundê Çeqela ya girêdayî navçeya Şiyê bombebaran kirin.
Li devera Reco şervanên QSD’ê du tankên artêşa dagirker li gundên Umera û Kumreşê rûxandin. Piştî wê jî balefirên dagirkeriya Tirkiyeyê gundê Heşargê û girê Kevrî Gir bombebaran kir.
