Home / Nûçe / Baxoz ji sedî 90 rizgar bû

Baxoz ji sedî 90 rizgar bû

Şervanên QSD`ê li bajarokê Baxozê noqteyên nû rizgar kirin. Bi vê yekê ji sedî 90 ji herêmê ji aliyê şervanên QSD`ê ve hatiye rizgarkirin. Yek ji fermandarên QSD`ê Dilşêr Hesekê da zanîn ku çeteyên DAIŞ`ê sivîlan wek mertalên zindî bi kar tînin.

DÊRAZOR

Qonaxa dawîn a pêngava Bagera Cizîrê ya bi navê Şerê Tunekirina Terorê li dijî çeteyên DAIŞ`ê di baregehên wan ên dawîn de li gundewarên rojhilatê Dêrazorê didome. Şerê di navbera şervanên QSD`ê û çeteyên DAIŞ`ê li bajarokê Baxozê de didome.

Bajarokê Baxoz noqteya dawîn a di bin dagirkeriya çeteyan de li Bakurê Sûriyê ye. Ev bajarok ji ber nêzî herêma sînorê Iraqê ye, ji DAIŞ`ê re xwedî cihekî stratejîk e.

Beriya du rojan fermandarê pêngava Bagera Cizîrê Çiya Firat bi daxuyaniyekê di civîna çapemeniyê de ku li Heqil Umer hate lidarxistin, ragihand ku çeteyên DAIŞ`ê di aliyê leşkerî de têk çûne û tenê 600–700 metreçargoşe di bin dagirkeriya wan de maye.

Her wiha Firat destnîşan kir ku ew bi baldarî noqteyên dawîn rizgar dikin, ji ber ku çeteyên DAIŞ`ê sivîlan wek mertalên zindî bi kar tînin da ku li pêşiya pêşveçûnên şervanan bibin asteng.

` di demên berê de hevdîtin bi yek ji fermandarên Baxozê û bi taybet eniya bakur dema ku ji aliyê şervanên QSD`ê ve hate rizgarkirin, çêkir. Fermandar di hevdîtina xwe de diyar kir ku wan hejmareke çeteyan tune kirin her wiha herêma bakur bi temamî rizgar kirin û depoyeke cebilxaneyê girtin.

Careke din nûçegihan derbasî Baxozê bûn û tevgera şervanan û alavên leşkerî yên li herêmê, şopandin. Yek ji fermanarên QSD`ê yê eniyê Dilşêr Hesekê diyar kir ku piştî eniya bakur a Baxozê û hindek taxên nû rizgarkirin, niha jî ji sedî 90 ji Baxozê rizgar bûye.

Dilşêr destnîşan kir ku şerê di navbera şervanên QSD û çeteyên DAIŞ`ê li herêma di bin dagirkeriya çeteyan de didome û çete bi temamî di çemberê de ne û wiha dewam kir: “Çeteyên DAIŞ`ê sivîlan ji xwe wek derfet dibînin û xwe di nava wan de vedişêrin da ku xwe ji derbeyên şervana biparêzin û diçin kampên ku li herêmên hatine avakirin.”

Dilşêr teqez kir ku teqez kir ku di nava çend rojên pêş de çeteyên DAIŞ`ê dê têk biçin. Her wiha diyar kir ku ew bi baldarî li herêmê bi pêş de diçin, ji ber gelek sivîl ku piraniya wan malbatên çeteyan e hene û çeteyên DAIŞ`ê sivîlan wek mertalên zindî bi kar tîne.

Hêjayî bibîrxistinê ye ku çeteyên DAIŞ`ê mayîn bi awayekî zêde di hundirê bajarokê Baxozê danîne da ku li pêşiya şervana bibin asteng.

Check Also

Di Pişt Sînor De Ava Jiyanê Veşartîbû

Bîranîna şehîd Zîn Kobanê Di nava rojê giştî de ez li benda kêliyeke bêdeng û …