EFRÎN – Di encama topbarana Artêşa Tirk a dagirker û çeteyên wê gundê Cama yê navçeya Şera yê kantona Efrînê de, welatiyekî sivîl şehîd bû.
Topbarana Artêşa Tirk a dagirker û çeteyên wê li ser sivîlan Efrînê bê navber dewam dikin. Di vê çarçoveyê de, îro hêzên dagirker gundê Cama yê navçeya Şera topbaran kirin. Di encamê de welatiyekî sivîl Abdullqadir Hemo yê 50 salî bi giranî birîndar bû. Şêniyên gund yekser ew rakirin nexweşxaneya Avrîn.
Tevî hewldanên bijîşkan, Hemo şehîd bû.
Mehmûd Şêxo yê ji gundê Cama diyar kir ku dagirkeriya Tirk gundê wan bê serûber topbaran kir û yek ji wan topan li mala Abdullqadir Hemo ket.