YPJ Public Office
EFRÎN – Navenda Raghandin û Çapemeniyê ya QSD`ê raghandin ku di şerê îro ku heta niha dewam dike de, 30 leşkerên artêşa Tirk a dagirker û çeteyên wê hatin kuştin.
Navenda Raghandin û Çapemeniyê ya QSD`ê encamên şer îro ku li Efrînê di navbera şervanên QSD û artêşa Tirk a dagirker de rû didin, eşkere kir.
QSD`ê ev agahî parve kirin:
“- Artêşa Tirk a dagirker êrîşî girê Qestel Cîndo yê li navçeya Şera kir. Piştî ku şervanên QSD’ê bersiv dan, artêşa Tirk a dagirker vekişiya. Şer dewam dike.
– Şerê li gundê Hemamê yê Cindirêsê didome.
– Artêşa Tirk a dagirker êrîşeke berfireh bir ser gundê Amara yê navçeya Mabata. Şervanên QSD’ê bersiv dan û li ser vê yekê çeteyên Tirk xwe vekişandin. Li gundê Amara di şer de 24 leşker û çeteyên Tirk hatin kuştin. Şer dewam dike.
– Li gundê Kurdo yê navçeya Racoyê, şervanên QSD’ê operasyoneke taybet li dar xistin. Wesayiteke leşkerî leşkerî hate rûxandin û 6 leşkerên Tirk hatin kuştin.”
