YPJ Public Office
EFRÎN – Ji ber çeteyên dewleta Tirk a dagirker ji Idlibê reviyan û xwe spartin Efrîna bi ewle. Lê li Efrînê jî rastî topbarana artêşa Tirk û çeteyên wê hatin.
Artêşa Tirk a dagirker îro vê sibê gundê Dîrbelot ê girêdayî navçeya Cindirêsê topbaran kirin.
Di encama topbaranê de, koçberên ji Idlibê ku xwe spartibûn gund, birîndar bûn.
Kesên birîndar bûn ev in: Dayîka bi navê Dîbe Dermûş (35) û her du zarokên wê Mustefa Bedir Dermûş û Mehmûd Dermûş.
Birîndar li nexweşxaneyên Efrînê têne dermankirin. Li gorî bijîşkan rewşa Mehmûd hîn xeter e.
Dîbe Dermûş wiha behsa çîroka xwe kirʺEm beriya 4 salan ji bajarê Idlibê koçberî gundê Dîrbelot ê Efrînê bûn da ku em dûrî atmosfêra şer û kuştinê bikevin. Lê artêşa Tirk a dagirker û çeteyên wê li vir jî em topbaran kirin.ʺ
Zarokê Dîbe Mustefa ku çavên xwe tij hêsir bibûn got ku ew di malên xwe de hatin topbarankirin.
