Artêşa Tirk a dagirker deriyekî li hemberî gundê Şîltetî vekir

EFRÎN – Artêşa Tirk a dagirker deriyekî di nava dîwarî ku di navbera gundê Şîltetî yê navçeya Şera û gundên Enab û Bixûxî yên Bakûrê Kurdistanê, ava kiribû, vekir.

Piştî ku Artêşa Tirk a dagirker 350 darin zeytûnê yên welatiyên gundê Şîltetî ya navçeya Şera yê Efrînê rakirin û 2 hiktar ji axa navdewletî yê qedexekirî,  dagir kir di 4`ê sibatê de  dest bi avakirina dîwarê şermê, kir.

Lêkirina dîwarê şermê yê di navbera gundê Şîltetî ya navçeya Şera ya Herêma Efrînê û gundê Eneb û Bexûxî yên Bakûrê Kurdistanê, ji aliyê Artêşa Tirk a dagirker heta roja îro, dewam dike.

Çeteyên Artêşa Tirk a dagirker jî deriyek di nava dîwarê ku ava kirî li hemberî gundê Şîltetî vekir, da ku hêza xwe leşkerî di wir derbas  bike. Her wiha artêşa dagirker 3 bircên ji bo şopondina  bi dûriya 200 m ji gund, ava kir.

Hêjayî bi bîrxistinê ye ku Artêşa Tirk a dagirker sala par, li hemberî gundê Mela Xelîl ê Herêma Cindirêsê yê Herêma Efrînê, deriyek vekir.