YPJ Public Office
KOBANÊ – Artêşa Tirk a dagirker êrîşên xwe li dijî kantona Kobanê berfireh kir. Artêşa dagirker ku ji saetên sibe de gundê Zormixarê topbaran dike, niha bajaroka Şêxler jî daye ber topan. Şervanên YPG, YPJ û Erka Xweparastinê jî bê navber bersiva êrîşan didin.
Çavkaniyên ji herêmê raghandin ku topbarana artêşa Tirk a dagirker li ser gundê Zormixarê didome. Çavkaniyan dane zanîn ku artêşa Tirk a dagirker êrîşên xwe berfireh kirin û bajaroka Şêxler yê başûrê gundê Zormixarê ku li ser çemê Firatê ye topbaran dike.
Şervanên YPG, YPJ û Erka Xweparastinê bersiva êrîşan didin. Li aliyê Bakurê Kurdistanê û navçeya Cerablûsê ku artêşa dagirker ji wir êrîş dike, dengê embulansan tê bihîstin.
