Home / Daxwuyanî / HRE’yê êrişa artêşa Tirk û çeteyan bersivand: 5 çete hatin kuştin

HRE’yê êrişa artêşa Tirk û çeteyan bersivand: 5 çete hatin kuştin

 Hêzên Rizgariya Efrînê (HRE) bi daxuyaniyeke nivîskî ragihand ku artêşa Tirk a dagirker  û çeteyên wê di 12- 13’ê Hezîranê de li Efrînê êrişeke bejahî biriye ser hêzên wan û di encama bersivdana hêzên wan de pevçûn derketiye. Di şer de 5 çete hatine kuştin û 9 çete jî birîndar bûne. Her wiha 3 şervanên HRE’yê di şer de şehîd bûne.

Di daxuyankiya HRE’yê de wiha hate gotin:

“Di çarçoveya pêngava duyemîn a berxwedana Efrînê de têkoşîna me, bi hêzeke xurt li dijî dagirkeriyê berdewam dike. Artêşa Tirk a dagirker û çeteyên wê, di 12 û 13 Pûşperê de li herêma Efrîn û derdora Ezazê ji bejahî ve êrişek li ser hêzên me li dar xist. Di encama êrişê de pêvçûneke dijwar di navbera hêzên me û artêşa dagirker de rû da. Li hember êrişên artêşa dagirker hêzên me bi lehengî bersiv da û êrişên wan têk birin. Di heman demê de di encama şerê rûdayî de 5 çete hatin kuştin, 9 çete birîndar bûn, 1 seyare hat rûxandin û 1 seyare hat derbkirin, 2 motorsîklêt hatin rûxandin.

3 ŞERVAN ŞEHÎD BÛN

Di vê êrişa dagirkeriyê de 3 şervanên me, piştî berxwedaneke bêhempa tev li karwanê şehîdan bûn. Hevrêyên me Agir Efrîn, Cudî Rustem û Yilmaz Efrîn, di têkoşîna me ya li hember dagirkerî û paşverûtiyê de tu caran bi paş de gav ne avêtin û bi hêrseke mezin şer kirin û gihîştin asta şehadetê. Her sê hevrêyên me, ji têkoşîna yekitiya gelan a li ser hîmê demokrasiyê ku li herêmê tê meşandin, bi dilsoziyeke mezin bawer kir û di oxira vê têkoşînê de canê xwe feda kir. Hevrêyên me Agir Efrîn, Cudî Rustem û Yilmaz Efrîn, bi azweriyeke mezin erk û berpirsiyariyên xwe bi cîh anîn.

Ji lew re em wek Hêzên Rizgariya Efrînê destnîşan dikin ku em ê tola şehîdên xwe rakin û hesabê ji dagirkeran bipirsin. Di şexsê her sê hevrêyan de tevahî şehîdan bi rêzdarî bi bîr tînin, ji malbatên wan û gelê xwe re sersaxiyê dixwazin.”

Check Also

AXAFTINA BERDEVKÊ HEVPEYMANA NAVDEWLETÎ DI KONGREYA ÇAPEMENIYÊ DE BI HÊZÊN SÛRIYA DEMOKRATÎK RE

Beriya şeş salan ji vê hefteyê, Hevpeymana navdewletî ji bo têkbirina DAIŞ’ê hat damezrandin. Ji …

Leave a Reply

Your email address will not be published. Required fields are marked *